Makala Zingine - Andrew Harvey

Muhtasari

Mkusanyiko huu wa data huchukua nukuu na rekodi zilizotengenezwa mji wa Haydom, mkoa wa Manyara, nchi ya Tanzania kwa Herman Malleyeck (mzungumzaji wa lugha ya Kidatooga aina ya Gisamjanga) na Andrew Harvey (mwanaisimu, lakini sio mtaalam wa Gisamjanga wala aina yoyote nyingine ya Kidatooga). Data zilikusanywa kwenye mwezi wa nne mwaka 2021, kutokana na orodha lililoandikwa na Herman Malleyeck.

Pamoja na data kwenye daftari ni: 1) jina kwenye Kidatooga cha Gisamjanga, 2) nadharia ya chanzo chake, 3) matokeo yanayoweza kusababisha mtoto kupewa jina hilo, na 4) mbadala kwa jina hii kwenye rejista ya ging’aweakshooda. Data zote na nadharia zote zilitengenezwa na Malleyeck.

Rekodi ni ya Herman Malleyeck akiyatamka majina kwenye daftari.

Muhtasari

Mwezi wa Julai tarehe 16 na 17, 2018, wawakilishi kutoka makundi ya makabila manne kutoka katikati ya Tanzania walikutana Babati kujadili mabadiliko wanayokutana nayo siku hizi katika jamii zao na madhara yake katika lugha yao na utamaduni, vile vile na fursa za kupambana na mabadiliko yaliyo hasi. Makundi yaliyowakilishwa ni Waasimjeeg Datoga, Wagorwaa, Wahadzabe, na Wanyihanzu. Wagorwaa na Wanyihanzu walialikwa na Andrew Harvey, mtafiti aliyekuwa akifanya kazi ya kuhifadhi kumbukumbu ya lugha hizi. Waasimjeeg Datooga na Wahadzabe walialikwa na Richard Griscom, mtaalamu anayefanya kazi kaskazini mwa Tanzania na vikundi hivi viwili, kimsingi akitumia muda wake kuhifadhi kumbukumbu za Waasimjeeg Datooga. Makundi maawili yaani Wagorwaa na Waasimjeeg Datooga wana uzoefu kufanya utafiti wao wenyewe na Wanyihanzu na Wahadzabe wanajiandaa ambapo wataanza kufanya utafiti wao wenyewe. Malengo ya msingi ya kongamano ni kushirikishana uzoefu wa mabadiliko ya utamaduni, kuanzisha mtandao kati ya jamii tofauti zinazojihusisha katika utafiti wa lugha, kubadilishana maarifa na mafunzo kutoka miradi tofauti, na kujadili chaguzi mbalimbali kwa ajili ya uhusishaji unaowezekana na uhifadhi.